اوقات كتير بحس انى مضايق
اوقات بكون مرتاح اوقات عادى
واوقات سعيد اوقات مهموم
هى دى الحياه
بس اكيد كلنا بيدور على السعاده الا اذا بقى انت من الصنف التانى عرفينه طبعا
اللى بيدور على النكد والتعب فين ... ويروح ليه
المهم كلنا بندور على السعاده واكيد اللى بيقرأ الكلام ده من اللى بيدورا على السعاده
تخيلوا ان احنا بنقضى كل حياتنا بندور على السعاده وعيزين نوصل ليها
لما اقعد افكر وقول امتى كده بكون سعيد
هل لما انجح فى دراستى ... عملى ... بيت جديد ... سياره جديده ... واى حاجه من هذا القبيل
اه بحس بسعاده بس مؤقته جدا ومش سعاده ممكن فرحه وبهجه
عارفين هى حاجه واحده ملهاش تانى ... هى الله بتحسسنا بالسعاده
وكلنا عارفنها ... بقولكم ايه نفذوا اللى هقوله ده قبل لما تكمل قراءه
بجد مش بهزر ... انا بقول اهوه بالزوق كده ..
رجع ظهرك على الكرسى الوقتى حالا ... هدىء اعصابك ...
غمض عينك ... بس اوعى تنام ... فكر شويه وقول لنفسك انا امتى بحس بالرضا بالسعاده
اعمل كده نص دقيقه بس ... وارجع كمل يالا ابدأ
30
29
28
27
.
.
.
.
1
0
ها عرفت ولا لسه ... اكيد عرفت
ايوه صح ... بجد برافو هو ده اللى انت قلته
فعلا لما نرضى ربنا ... اصل عارف مفيش غيرها
العبد لله مثلا ... طول عمرى وانا مقصر فى حق ربنا ومازلت مقصر
بس عارفين فى ايام كده بحس الاحساس ده ... عارفين امتى
يوم من الايام ... انام بدرى
اقوم قبل الفجر ... بساعه ... اقيم الليل واستغفر ربى
صليت الفجر ... قرأت الورد القرآنى ... صليت الضحى
صليت جميع الصوات جماعه ... صله الرحم ... طلعت صدقه لله
اجتنبت المعاصى بقدر امكانى وبالاستعانه بالله
تخيل انا وانت وكل احبابنا وكل اهلنا وكل المسلمين ده يومنا
مين مش هيكون سعيد اتحدى العالم لو مر عليهم نسيم هذه السعاده ولو للحظه من طريق آخر
حتى لو ملك من ملوك الدنيا والظاهر لنا السعاده صدقونى مش السعاده دى خالص
قال تعالى "ومن اعرض عن ذكري فانه له معيشة ضنكى" صدق الله العظيم
أمامك سعادة الدنيا والآخره ... ها هنكسل بقى ... لا ابدا
مش بقولك اعمل كل ده مره واحده
بس واحده واحده هتكون ايامنا كلها سعاده ورضا
بس اهم حاجه نحافظ على فروض ربنا ونجتهد فى مجاهدة نفسنا
شدوا حيلكم ويالا نساعد بعض على طاعة ربنا
يالا ايدى فى ايدك وعلى الطريق الصحيح نكون ... وبجنة الخلد نفوز ان شاء الله
.jpg)
هناك 6 تعليقات:
حبيبي ياحماده
بجد موضوع تحفه وجميل جدا
لانه بيوضح ببساطه الطريقه لكي تكون سعيدا
استمر ياابني ومتقلقش انا معاك ومش هبخل ابدا عليك بالنصيحه والتوجيه
استمر وربنا معاك ومعانا جميعا
بااااااااااااااااااااي
مش عارف اقولك ايه بجد ياغالى من غير توجيهات سيادتك الواحد يضيع
وده بعض ما عندكم
سلام يا حبى
عارف...............
انا بشكر القدر اللى رمانى على مدونتك
بجد انا انا كنت فى أمس الحاجه انى أقرأ كلام زى ده . خصوصا وانى كنت خلاص بدأت أفقد صوابى.لكن الحمد لله.
فعلا والله عمرى ماحسيت بسعادة أد سعادتى بعد صلاة الفجر.وحاجه كمان بكون سعيدة بيها جدا وهى لما أحس ان بابا راضى عنى.
ربنا يكرمك .بجد بوست حلو أوى.
Pusssssy
شكرا جدا جدا يا بوسى على مرورك على مدونتى وبجد اسعدتنى بكلامك الحلو ده
واعرفى ان الدنيا دى بكل ما فيها متستهلش لحظه الواحد يزعل فيها فلكل واحد مكتوب عمر محدد ليه بقى منعيش هذا العمر فى سعاده بقدر المستطاع
وما احلى السعاده بالقرب من الله
اتمنى لكى سعاده دائمه فى الدنيا
والفوز بالجنه ونعيمها
حبيب قلبى يا حماده والله كنت عاوز حد يقولى الكلتين دول وفعلا السعاده بطاعه ربناوموضوع جميل جدا السعاده ده لانه هو يعتبر السياره بتاع الحياه لو سعيد هتمشى وتتبقى مبسوط لو العكس بقى جرش وريح دماغك نسأل الله ان يعينك على كتابه موضوعات اكتر يا حبى وربنا يوفقك يا فى حياتك يا غالى يارب وتبقى احسن ناس وترفعوا رسنا انت والدكتور وكل شباب العيله طبعا متنساش تقول امين يا حماده وانا مهتم اه عشان متقولش انى مش معبر سلااااااام يا من احلى حماده ليا فى الدنيا دى اخوووووووك وحبيبك دودوووو
السلام عليكم حبيببى وتوائم روحى اخى الحبيب جزاك الله خيرا عنا وادعو من الله ان يلهمك اكثر واكثر حتى تشجينا بمثل هذه الموضوعات الجميله التى تساعدنا على اناره الطريق الينا وفى الختام احب اقولك قلبى معك بحبك اختك kh
إرسال تعليق