"لو لم اكن مصريا لوددت ان اكون مصريا"
هل لو كان لسه عايش كان قالها ؟؟؟؟؟ مش عارف
بس بجد الواحد فخور انه مصرى !!!
مستغرب ليه بس اه فخور هتعرف ليه الوقتى ...
عارف ... كتير قوى نفسهم يكونوا مصريين .. هتقولى ليه يعنى !!!
هقولك اصبر بس كمل قراءه .
انت مش شايف ان كل المطربين بيغنوا لمصر . اكيد فيها شئ مختلف.
طبعا بما انى مواطن مصرى فأكيد أنا عارف الإختلاف ...
تعالوا معايا بقى واحده واحده نعرف مختلفه إذاى ...
طبعا شباب مصر المطحون فى الدراسه وطالع عينه ربنا يكون معاه
وانا واحد منهم بس خلصت الحمد لله المهم بعد لما تخلص اسمع بقى
تخلص الدراسه من هنا ومش هقولك فرص عمل ايه !!!
من كترهم مش عارف اختار ... بجد بخير يا مصر !
اه صحيح الشهادات بقى بتاعت الجامعات بتاعتنا دى ياااااااه
كفايه إنك تدخل بيها انتر فيو الراجل صاحب الشغل
ممكن يقوم يأخذك بالحضن طبعا فرصه متتعوضش شاب خريج جامعات مصر
يعنى الدراسه اللى تغنيك عن اى دراسه اخرى
تؤهلك للشغل علطول ايه الهنا اللى هو فيه ده ....
بجد اكيد العيب فينا بقى ... ولا ايه ؟
تعليم زى الفل ...
مواصلات فاضيه ...
أسعار رخيصه ...
رواتب بتقضى الواحد وبيفيض ...
الديمقراطيه تمارس زى الكتاب ما بيقول ...
وطبعا كانت واضحه فى المحليات ولا مش شايفين ...
اكيد شايفين !!!!!!!!!!!!!!!!!!!!!!
وبعدين تعالوا لما اقول لكم احنا الشعب الغلبان الجاهل المتخلف ده
هيفهم اكتر من الحكومه اللى فيها كبرات البلد اللى بيفهموا
طبعا هما شايفين وفاهمين اكتر من الشعب الجاهل ... إظاهر احنا اللى مش فاهمين ...
بيقولوا اسعار عالميه مش عايزين وجع دماغ !
طيب يعنى اسعار عالميه مش بايديهم افهموا بقى !!!
تيجوا بقى تقولوا الرواتب افهموا بقى اللى جاى على قد اللى رايح
هتقولوا قناة السويس او الغاز او البترول او.... او.... او..... الخ
بنقولكم المصاريف كتير انتوا مش شايفين النعيم اللى انتوا عايشين فيه
بجد مصر أم الدنيا وأتمنى انكم تكونوا فهمتم قصدى
وتصدقوا انا متأكد إن لو مصطفى كامل كان عايش كان قالها الى آخر العمر
واحنا هنقولها معاه وهنفضل نكررها طول العمر
"لو لم أكن مصريا ... لوددت أن اكون مصريا "
وان شاء الله الخير قادم بإدينا بإرضاء ربنا وبخوفنا على البلد دى
ومش هنقبل أن نساق كالحيوانات انا اسف فى التعبير
لا هيكون لنا رأى وموقف ومش هنكون سلبيين
يالا ياشباب عمل وجهد واخلاص
ونبدأ بقلوبنا نصلحها وده كلام حبيبنا رسول الله "صلى الله عليه وسلم "
علشان نصلح الجسد وبعد كده المجتمع وبعده العالم كله بإذن الله
.jpg)
هناك 6 تعليقات:
بسم الله الرحمن الرحيم الاول اقولك الف الف الف مبروك على المدونه الجديده ياحماده وعايزين نشوف فيها موضوعات كويسه تفيد شباب مصر وربنا يوفقك يارب فى حياتك وتكون من احسن الناس اخوك فى الله عمر عبد الرحمن محمد
لو لم أكن مصريا ... لوددت أن اكون مصريا
مصطفي كامل قالها وانا كمان بقولها وكل واحد مصري مستحيل يقول غيرها.
بنحبك يامصر حتي لو مش لاقيين ناكل
بنحبك يامصر حتي لو الحكومه فاشله وحراميه ومش خايفه علي شباب البلد دي ولا شيوخها
بنحبك يامصر وهنضحي بعمرنا عشان ترابك لحد آخر نفس في حياتنا
عارفه بنحبك ليه؟؟؟
عشان شرف لكل مصري ان هو مصري
عشان مصر طول عمرها مقبرة الغزاه
عشان الناس الطيبين ولاد البلد الجدعان
عشان النيل والاهرامات
عشان فيها اهلي وكل الناس اللي حبتهم وحبوني
عشان فيها محمد ابو كامل
الف مبروك يانجم علي اول انطلاقه ليك في عالم المدونات وبالتوفيق دائما في كل شئ في حياتك
ونفسي تحقق امنيتي وتخطب بقا قبلي عشان اكون مستريح
هتتقبل مروري غصب عنك وعن شارع الترعه كله بما فيهم اهلك.
سلااااااااااااااااام
السلام عليكم احب اشكرا جدا على هذه المدونه ومن الجميل ان شاب هو الى يتكلم عند الشباب لانه بيكون حاسس بيهم ومدرك مشعرهم واشكرك ايضا عن الطريقه السلسه الجميله الى تدخل القلب بسرعهوجزاك الله عنا كل الخير الراسله اختك الى بتموت فيك بحبك والله
بسم الله الرحمن الرحيم الف مليون مبروك ياباش مهندس ميدو عقبالى اما اعمل مدونه كده طبعا مش عارفه هكتب فيها ايه بس ربنا يسهل يعنى بس بجد بجد فكره جامده جدا انكم تعملو حاجه زى دى تعبرو فيها عن رأيكم بكل صراحه متناهيه يعنى بس ياخوفى بس انتو كده تمام يعنى وحابه جدا مدى اعتزازك وحبك لمصر واعترافك بخيراتها عليك لا فعلا يعنى صدقت فيما قولته كله تمام تمام وفعلا لو لم اكن مصرية لوددت ان اكون مصريه ابصم بالعشره بالفعل يعنى صعب الواحد ينكر حقيقه زى دى ولا ايه نحن فى انتظار المزيد من النجاح ومقالات سخنه كده مش بعيد نقدملك فى الصحافه بعد كده من اختك توتو لحبيب قلبها ميدو
الف الف الف مبروك يا حماده على امدونه بتاعتك وتكون هدف يساعدنا ان احنا نعمل حاجه وموضوعاته تكون مؤثره ان شاء الله وعاوزك بقى تحكى بالطريقه اللى بحبها ويارب تكون فى انطلاقه كمان وكمان ويوفقك فى حياتك كمان وفعلا لو لم اكن مصريا لوددت ان اكون مصريا والجديده بقى لو لم اكن من عائله المتولى لوددت ان اكون من عائله المتولى هى بصراحه كل شى فى حياتى العيله دى من غيرها مش عارف كنت هعيش ازاى كان هيبقى عادى اه بس برده الحمد لله ان منها وخلاص هو كده ولو مكنتش منها كنت هتجوز واحده منها بأى طريقه عشان ابقى منها كنت هجوز مثلا مين مين مين مين مين مش عارف وفى النهايه بقولك يا حبيب قلبى يا حماده مبروووووووووك على المدونه ورينا بقى موضوعاتك اخووووووك وحبيبك دودو
اولا انا حب اقول لحماده بلاش تخلى صوره البلد وحشه كده قدام الناس ولازم نرضى بنصيبنا وانا عايز اقولك ان والله احنا احسن من غيرنا كتير اقلها اننا ممكن نتكلم ونلاقى حد يسمعنا وممكن نعارض كمان اينعم ممكن نتبهدل بس كفايه اننا بنعارض تعالى شوف هنا فى السعوديه الشباب فاشل فاشل ومن لاقى شغل وحشيشه والله بجد والجدع اللى يعلى صوته هنا يتشد وابقى قابلنى لو شفته تانى والله احنا فى نعمه والله
واللى يشوف بلاوى الناس تهون عليه بلوته
إرسال تعليق