يارب سامحنى

انا منزلتش بوست من مده بس بجد كان مزاجى مش حلو وانا بحب اكتب فى البوست حاجه حاسس بيها وتلمسنى فعلا بجد بقالى حوالى اسبوع كده مش فى المود خالص

رغم انى مع كل اصحابى والبيت عندنا عادى مش باين عليه حاجه يعنى
بس انا حاسس انى مش مبسوط وانا عارف الاسباب واولها طبعا نفسى وعلاقتى مع ربى
ومكدبش عليكم اشياء كمان مش هوجع دمغكم بيها

المهم انا هتكلم عن موضوع شغلنى واظن اننا كلنا محتاجينه
نفسى مش اعصى ربنا خالص
نفسى اكون بجد كويس زى ما انا باين مع الناس ملتزم وكويس
اكون كده مع ربنا بجد مع نفسى

تخيلوا ان المعاصى بتاعتنا دى هى سبب كل المشاكل اللى بتحصل لينا بجد
وحاسس انى انا السبب فى اللى بيحصل لنا فى مصر وللمسلمين بسبب المعاصى بتاعتى
اه بجد الغلاء والظلم وعدم نصرة المسلمين

هل انا السبب يارب ؟
هل معاصى خلواتى السبب ؟

تعالو اتكلم معاكم فى المعاصى شويه وقول لكم اللى فى قلبى

سال أنس ابن مالك السيده عائشه
فقال يا أماه متى تحدث للارض الزلزله
فقالت يابنى تحدث الزلزله اذا كثر شرب الخمر واذا ظهر الزنا وانتشرت المعاصى
قال الله تعالى للارض تزلزلى بهم
فقال انس اعذابا لهم يا أماه
فقالت بل رحمه وموعظه للمؤمنين ونكالا وسخطا على الكافرين
فعلا كل ده موجود ولو مكناش بنشرب خمر ولا بنزنى
فاحنا بنعصى

قال رسول الله صلى " اذا ظهرت المعاصى فى أمتى عمهم الله بعذابه"

بجد عايزين نسيب المعاصى
ومش نتهاون بها ونقول دى معصيه صغيره .. مش مشكله .. هو ايه اللى هيحصل .. وبجد احنا بنعمل معاصى كتير بنتهاون بيها

انا اول واحد بيرتكب المعاصى وبقول هو انا عملت حاجه دى بسيطه يا عم كبر دماغك

هضرب مثل عليه
لما اكون مشغل اغانى مثلا ودخل عليه حد من اقاربى معروف عنه انه كويس وملتزم
انا محبش اشغل الاغانى امامه هل علشان مش ابان وحش امامه .. او يغير فكرته عنى .. هل علشان بحترمه جدا
فهو ام الله يا محمد !!! بجد انا وحش قوى قوى قوى

يقول حبيبنا رسول الله صلى " اياكم ومحقرات الذنوب فإنهن يجتمعن على الرجل حتى يهلكنه"

يقول انس بن مالك " انكم تعملون أعمالا هى أدق فى أعينكم من الشعره كنا نعدها على عهد النبى من الموبقات

وهذا من الصحابه فما بالنا لو رأى ما نفعله نحن مش عارف كان قال ايه ... تخيلوا كده هيقول عن ايه ولا ايه ولا ايه
سلم يارب وارحمنا

اقرأ الكلام الجاى ده واشعر بيه مش قرائه بس
لو تعرف تقرأه بقلبك اقرأه

يقول بن القيم
ياصاحب الذنب اياك ان تأمن عواقب الذنب
لا تتصور ان الذنب الذى ترتكبه سيمر دون عقاب
وفرحك بالذنب وانت تفعل الذنب اشد عند الله من الذنب
واذا فرحت انك قدرت على ذنب فارتكبته اشد واصعب عند الله من ارتكاب الذنب
وضحكك وانت تفعل الذنب ولاتبالى بنظر الله اليك اشد عند الله من الذنب
وحزنك على فوات الذنب اشد عند الله من الذنب
وحرصك على ان تستر نفسك وانت تفعل الذنب ولا يضطرب قلبك لنظر الله اليك اشد عند الله من الذنب
وقلة حيائك من الملك الذى يكتب اعمالك اشد من الذنب

والله انا فعلت كل ما هو اشد من الذنب ... فيارب اغفرلى وارحمنى

حديث قدسى
انا الله لا اله الا انا اذا اطعت رضيت وان رضيت باركت ... وبركتى ليس لها منتهى
وان عصيت غضبت وان غضبت لعنت ... ولعنتى تصل الى السابع من الولد

يقول الرسول صلى " ما نقص رزق الا بمعصيه "

كلنا طبعا عارفين قصة الامام الشافعى
شكوت لوكيع سوء حفظى ... فارشدنى لترك المعاصى
وقال لى ان العلم نور ... ونور الله لايهدى لعاصى



من اصعب الكلام اللى لمسنى وبجد بخاف جدا جدا جدا لما اسمعه او اقرأه

هانوا عليه فعصوه ولو عزوا عليه لعصمهم

هانوا عليه فعصوه ولو عزوا عليه لعصمهم

هانوا عليه فعصوه ولو عزوا عليه لعصمهم

بجد كل لما افكر فى الكلام ده معقول اعز على الله فيعصمنى
طب ليه انا بذنب معقول هنت على الله بجد انا خايف قوى
ويارب ارجوك ان اكون ممن اعز عليك فتعصمهم يارب يارب يارب


وعازين نخاف جدا من معاصى الخلوات
طيب احنا كلنا بنعمل المعاصى فى الخلوات
بس المقصود انك كل لما تكون لوحدك تعصى ربنا بصفه مستمره

يارب أرزقنا خشيتك فى السر والعلانية

بجد انا كتبت الكلام ده وهو كل كلمه فيه عليه انا
وانا المفروض مقلش الكلام ده لأنى مش أهل حتى انى اقوله او اكتبه
بس انا قلت اكتبه جايز احس على دمى ... معقول هقول للأحبائى واخوانى الكلام ده ومش هعمله ونفذه
بسال الله انى بعد كتابة هذا الموضوه بجد أعز عليه فيعصمنى

وطبعا مش عايز اخلى الحياه مظلمه
ولكن بقول ان دى طبيعه فينا اننا نعصى
وهذا من رحمة الله علينا ... انه التواب الرحيم
ربنا فعلا بحبنا وعايز يدخلنا جنته بس احنا اللى بجد لم نعطى لله حقه وخشيته
يارب ما فعلت ذنوبى لقلة خشيتى او لعدم مبالاتى ولكن لضعف نفسى الاماره بالسوء

فرجائى من الله ان يتقبل توبتى وتوبتكم

بعد لما هتخلص قرائه تعالوا نعزم ونقسم بالله ونعزم على التوبه

وان يارب سنجاهد انفسنا والشيطان على البعد عن المعاصى

قال تعالى

" إن الله لا يغير ما بقوم حتى يغيروا ما بأنفسهم "

صدق الله العظيم

اللهم لا تؤاخذنى بما يقولون

وأغفر لى ما لا يعلمون

واجعلنى خير مما يظنون

حسبنا الله ونعم الوكيل

بجد انا معنديش كلام اقوله بس كل اللى انا حاسس بيه حزن شديد وألم

وكان عندى احساس ان النهارده كل واحد من المحالين للمحكمه العسكريه هيبات فى حضن اسرته

ولكن لم يحدث ذلك ... وشوف معايا الاحكام

أصدرت المحكمة العسكرية اليوم

أحكامًا بالسجن لمدة 10 سنوات لخمسة

وأحكامًا بالسجن لمدة 7 سنوات لاثنين

وأحكامًا بالسجن لمدة 5 سنوات لخمسة آخرين

وأحكامًا بالسجن لمدة 3 سنوات لثلاثة عشر

وبراءة 15 آخرين

ومش عايز اتكلم كتير ...

الوضع باين أمامك ... وكلنا فاهمين

أرجوا أن نسأل لهم ولأهليهم الصبر والثبات وأن يجعل الله هذا فى ميزان حسناتهم

بسم الله الرحمن الرحيم

" ولا تحسبن الله غافلا عما يعمل الظالمون "

صدق الله العظيم

قبل المحاكمة.. كلمة أخيرة

اليوم المحاكمة العسكرية الثلاثاء 15 / 4 / 2008

أيها القاضى فى هذه المحاكمات

لا خير فيك إن لم تسمعها ولا خير فينا إن لم نقلها؛ فاتق الله، واتق دعوةً ليس بينها وبين الله حجاب وقد أقسم الله تعظيمًا لشأنها "وعزتي وجلالي لأنصرنك ولو بعد حين"؛ ألا وهي دعوة المظلوم، واعلم أن الظلم يأتي يوم القيامة ظلمات

وقال حبيبنا الرسول صلى الله عليه وسلم: "يجيء الظالم يوم القيامة، حتى إذا كان على جسر جهنم بين الظلمة والوعرة لقيه المظلوم فعرفه، وعرف ما ظلمه به، فما يبرح الذين ظلموا يقصون من الذين ظلموا حتى ينزعوا ما في أيديهم من الحسنات، فإن لم تكن لهم حسنات ردَّ عليهم من سيئاتهم حتى يورد الدرك الأسفل من النار"

وإلى الشرفاء خلف القضبان..

موقف الدعاة أمام بطش الطواغيت وإغراءاتهم هو الثبات والصبر والصمود والاحتساب عند الله،

ورسول الله صلى الله عليه وسلم خير قدوة في هذا، تعرَّض لمساومات عديدة ومضايقات حتى يتنازل عن بعض أموره الدعوية

"وَدُّوا لَوْ تُدْهِنُ فَيُدْهِنُونَ " (القلم) أي ودوا لو تلين لهم، وتقبل مساومتهم

ولكن الرسول صلى الله عليه وسلم كان حاسمًا في موقفه ثابتًا على مبدئه، حتى وهو في أشد الأوقات تأزمًا

لا.. لم يرضِ الكفار قط ولو بحرف واحد يسخط ربه، وكل هذا بتثبيت الله وفضله وحفظه لمن ضحى لربه

"وَإِنْ كَادُوا لَيَفْتِنُونَكَ عَنْ الَّذِي أَوْحَيْنَا إِلَيْكَ لِتَفْتَرِي عَلَيْنَا غَيْرَهُ وَإِذًا لاتَّخَذُوكَ خَلِيلاً (73) وَلَوْلا أَنْ ثَبَّتْنَاكَ لَقَدْ كِدْتَ تَرْكَنُ إِلَيْهِمْ شَيْئًا قَلِيلاً (74) إِذًا لأَذَقْنَاكَ ضِعْفَ الْحَيَاةِ وَضِعْفَ الْمَمَاتِ ثُمَّ لا تَجِدُ لَكَ عَلَيْنَا نَصِيرًا (75)" (الإسراء).

إلى الصمود والصبر أيها الإخوان فالزموا، وعلى الثبات والجهاد امضوا، والله معكم ولن يتركم أعمالكم.. لا تثنِكم اعتقالات ولا تقوِّض عزائمكم سجون أو تضييقات، والزموا طريق الدعوة مهما كاد بكم الكائدون وحال بينكم وبينها المثبطون

"سيد الشهداء حمزة بن عبد المطلب ورجل قام إلى إمام جائر فأمره ونهاه، فقتله"

ولا تلتفوا للترهات فـ"من التمس رضا الناس بسخط الله وكله الله إلى الناس".

واعلموا أنكم بصبركم تصنعون لكم تاريخًا يبقى أثره مدى الزمان

وحضارةً تتحطَّم عليها كل ألوان الفساد.. فافخروا بدعوتكم و"اسْتَبْشِرُوا بِبَيْعِكُمْ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ "

إلى جموع الشعب..

إلى الله توجَّهوا بالدعاء أن يربط على قلوب إخوانكم، ومِن صبرهم وثباتِهم وجهادِهم وتضحيتِهم،

نحسبهم كذلك ولا نزكيهم على الله، خذوا أهبتكم وقووا عزيمتكم،

﴿وَكَأَيِّنْ مِنْ نَبِيٍّ قَاتَلَ مَعَهُ رِبِّيُّونَ كَثِيرٌ فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا وَاللَّهُ يُحِبُّ الصَّابِرِينَ (146)﴾ (آل عمران).

وأيقنوا أنه لا مجال لليأس، فهو لا يُطيل أمدًا، ولا يبني أممًا، وأنه واليأس والقنوط ركنا الكفر والضلال،

لا ينفك يأس عن كفر ولا قنوط عن ضلال، ومهما استبد بمصلحة الوطن مستبدٌّ أو حال دون رقي الوطن ونمائه حائلٌ،

فلزامًا علينا أن نظل على طول الخط متفائلين؛ أملنا في الله كبير، ورجاؤنا في ربنا لا حدَّ له؛

"لا تيأسوا.. فليس اليأس من أخلاق المسلمين، وحقائق اليوم أحلام الأمس، وأحلام اليوم حقائق الغد..".

ونحن كمسلمين لا نرضى عن هذا الظلم وليس فى أيدينا الا الدعاء لكم يا ابطال .

وهذه هى ضريبة طريق الدعوات ... وجعلها الله فى ميزان حسناتكم ...

ولن ننساكم من دعائنا ...

هذه دعوه لكم ان تدعوا لهم وقف بجانبهم واعلم ان هذا ابيك واخيك ...

ولن نرضى بالظلم .... فلا تبخل بدعائك لهؤلاء الشرفاء

متى أكون سعيد

اوقات كتير بحس انى مضايق

اوقات بكون مرتاح اوقات عادى

واوقات سعيد اوقات مهموم

هى دى الحياه


بس اكيد كلنا بيدور على السعاده الا اذا بقى انت من الصنف التانى عرفينه طبعا

اللى بيدور على النكد والتعب فين ... ويروح ليه

المهم كلنا بندور على السعاده واكيد اللى بيقرأ الكلام ده من اللى بيدورا على السعاده

تخيلوا ان احنا بنقضى كل حياتنا بندور على السعاده وعيزين نوصل ليها

لما اقعد افكر وقول امتى كده بكون سعيد

هل لما انجح فى دراستى ... عملى ... بيت جديد ... سياره جديده ... واى حاجه من هذا القبيل

اه بحس بسعاده بس مؤقته جدا ومش سعاده ممكن فرحه وبهجه

عارفين هى حاجه واحده ملهاش تانى ... هى الله بتحسسنا بالسعاده


وكلنا عارفنها ... بقولكم ايه نفذوا اللى هقوله ده قبل لما تكمل قراءه

بجد مش بهزر ... انا بقول اهوه بالزوق كده ..

رجع ظهرك على الكرسى الوقتى حالا ... هدىء اعصابك ...

غمض عينك ... بس اوعى تنام ... فكر شويه وقول لنفسك انا امتى بحس بالرضا بالسعاده

اعمل كده نص دقيقه بس ... وارجع كمل يالا ابدأ


30


29


28


27


.


.


.


.


1


0


ها عرفت ولا لسه ... اكيد عرفت

ايوه صح ... بجد برافو هو ده اللى انت قلته


فعلا لما نرضى ربنا ... اصل عارف مفيش غيرها


العبد لله مثلا ... طول عمرى وانا مقصر فى حق ربنا ومازلت مقصر

بس عارفين فى ايام كده بحس الاحساس ده ... عارفين امتى

يوم من الايام ... انام بدرى

اقوم قبل الفجر ... بساعه ... اقيم الليل واستغفر ربى

صليت الفجر ... قرأت الورد القرآنى ... صليت الضحى

صليت جميع الصوات جماعه ... صله الرحم ... طلعت صدقه لله

اجتنبت المعاصى بقدر امكانى وبالاستعانه بالله


تخيل انا وانت وكل احبابنا وكل اهلنا وكل المسلمين ده يومنا

مين مش هيكون سعيد اتحدى العالم لو مر عليهم نسيم هذه السعاده ولو للحظه من طريق آخر

حتى لو ملك من ملوك الدنيا والظاهر لنا السعاده صدقونى مش السعاده دى خالص


قال تعالى "ومن اعرض عن ذكري فانه له معيشة ضنكى" صدق الله العظيم


أمامك سعادة الدنيا والآخره ... ها هنكسل بقى ... لا ابدا

مش بقولك اعمل كل ده مره واحده
بس واحده واحده هتكون ايامنا كلها سعاده ورضا

بس اهم حاجه نحافظ على فروض ربنا ونجتهد فى مجاهدة نفسنا

شدوا حيلكم ويالا نساعد بعض على طاعة ربنا


يالا ايدى فى ايدك وعلى الطريق الصحيح نكون ... وبجنة الخلد نفوز ان شاء الله

يا سلام عليك يا شباب مصر

"لو لم اكن مصريا لوددت ان اكون مصريا"
هل لو كان لسه عايش كان قالها ؟؟؟؟؟ مش عارف

بس بجد الواحد فخور انه مصرى !!!
مستغرب ليه بس اه فخور هتعرف ليه الوقتى ...
عارف ... كتير قوى نفسهم يكونوا مصريين .. هتقولى ليه يعنى !!!
هقولك اصبر بس كمل قراءه .
انت مش شايف ان كل المطربين بيغنوا لمصر . اكيد فيها شئ مختلف.
طبعا بما انى مواطن مصرى فأكيد أنا عارف الإختلاف ...

تعالوا معايا بقى واحده واحده نعرف مختلفه إذاى ...

طبعا شباب مصر المطحون فى الدراسه وطالع عينه ربنا يكون معاه
وانا واحد منهم بس خلصت الحمد لله المهم بعد لما تخلص اسمع بقى
تخلص الدراسه من هنا ومش هقولك فرص عمل ايه !!!
من كترهم مش عارف اختار ... بجد بخير يا مصر !
اه صحيح الشهادات بقى بتاعت الجامعات بتاعتنا دى ياااااااه
كفايه إنك تدخل بيها انتر فيو الراجل صاحب الشغل
ممكن يقوم يأخذك بالحضن طبعا فرصه متتعوضش شاب خريج جامعات مصر
يعنى الدراسه اللى تغنيك عن اى دراسه اخرى
تؤهلك للشغل علطول ايه الهنا اللى هو فيه ده ....

بجد اكيد العيب فينا بقى ... ولا ايه ؟

تعليم زى الفل ...
مواصلات فاضيه ...
أسعار رخيصه ...
رواتب بتقضى الواحد وبيفيض ...
الديمقراطيه تمارس زى الكتاب ما بيقول ...
وطبعا كانت واضحه فى المحليات ولا مش شايفين ...
اكيد شايفين !!!!!!!!!!!!!!!!!!!!!!

وبعدين تعالوا لما اقول لكم احنا الشعب الغلبان الجاهل المتخلف ده
هيفهم اكتر من الحكومه اللى فيها كبرات البلد اللى بيفهموا
طبعا هما شايفين وفاهمين اكتر من الشعب الجاهل ... إظاهر احنا اللى مش فاهمين ...

بيقولوا اسعار عالميه مش عايزين وجع دماغ !
طيب يعنى اسعار عالميه مش بايديهم افهموا بقى !!!
تيجوا بقى تقولوا الرواتب افهموا بقى اللى جاى على قد اللى رايح
هتقولوا قناة السويس او الغاز او البترول او.... او.... او..... الخ
بنقولكم المصاريف كتير انتوا مش شايفين النعيم اللى انتوا عايشين فيه

بجد مصر أم الدنيا وأتمنى انكم تكونوا فهمتم قصدى

وتصدقوا انا متأكد إن لو مصطفى كامل كان عايش كان قالها الى آخر العمر
واحنا هنقولها معاه وهنفضل نكررها طول العمر

"لو لم أكن مصريا ... لوددت أن اكون مصريا "

وان شاء الله الخير قادم بإدينا بإرضاء ربنا وبخوفنا على البلد دى
ومش هنقبل أن نساق كالحيوانات انا اسف فى التعبير
لا هيكون لنا رأى وموقف ومش هنكون سلبيين
يالا ياشباب عمل وجهد واخلاص
ونبدأ بقلوبنا نصلحها وده كلام حبيبنا رسول الله "صلى الله عليه وسلم "
علشان نصلح الجسد وبعد كده المجتمع وبعده العالم كله بإذن الله