.gif)
كتير بنجلس مع أصحابنا وأقاربنا ومعارفنا واكيد سمعنا جملة صدقنى أنا عارف كتير
هتسمعها فى حوارات كتيييير خاصة لما تنصح حد فيرد عليك ويقولك صدقنى أنا عارف
حبيت اعرض معاكم بعض المواقف اللى بيتقال فيها الجمله دى يالا بينا
صدقنى أنا عارف إن الصلاه فرض ولازم أصلى فى الجامع ... بس بقولك ايه ناوى ان شاء الله اصلى
صدقنى أنا عارف لازم اسمع كلامى أبويا وأمى ... بس بقولك ايه انت عارف هما فين وتفكرنا فين مش عارفين يفهمونا
صدقنى انا عارف إن السجاير حرام وإنها بضيع فلوسى وصحتى ... بس بقولك ايه الدنيا وقرفها بقى يا أستاذ
صدقنى أنا عارف إن القهاوى حرام ... بس بقولك ايه هنقضى وقتنا فين يا باشا
صدقنى أنا عارف إن المفروض ما ارتبطش بالبنات وكلمهم ... بس بقولك ايه الحياه من غيرهم هتكون ناشفه قوى
صدقنى أنا عارف ان المفروض مكلمش بنات على الشات ونحكى مع بعض ... بس بقولك ايه دا علاقات وحب فى الله
صدقنى أنا عارف إن الحشيش والمخدرات حرام وبتخلينى زى الحيوان ... بس بقولك ايه بعمل دماغ وبعيش
صدقنى أنا عارف إنى بعمل حاجات كتير غلط وحرام ... بس بقولك ايه أنا بحب ربنا والرسول عليه الصلاة والسلام
صدقنى ... صدقنى ... صدقنى ... الخ ... الخ ... الخ
وفى الآخر ادعيلى
صدقنى أنا عارفه إنى لازم أصلى واحافظ على نفسى ... بس بقولك ايه ربنا يسهل
صدقنى أنا عارفه إن شعرى لازم أغطيه وإنى بأخذ بكل شعره تبان سيئه عليه ... بس بقولك ايه ربنا يسهل لما اتخطب واتجوز هتحجب
صدقنى أنا عارفه ان المفروض محدش يلمسنى غير اللى يحل ليه بس ... بس بقولك ايه هما زى إخواتى وخليك لذيذ بقى
صدقنى انا عارفه إنى المفروض منزلش من البيت بالهدوم دى اللى موضحه جسمى ومجسماه ... بس اعمل ايه الموضه كده ولا عايزنى امشى زى الخيمه
صدقنى أنا عارفه إن المفروض مقعدش على قهاوى ولا أشرب شيشه ... بس بقولك ايه لزوم الروشنه يعنى
صدقنى ... صدقنى ... صدقنى ... الخ ... الخ ... الخ
وفى الاخر ادعيلى
يا جماعه المعرفه غير الإيمان
إنك عارف ان الصلاه فرض مش كفاية كلنا عارفين لما بنسمع الأذان بنوطى صوت الكاسيت إنما لو كان مؤمن كان نزل الجامع للصلاه
انا عارفه إن الحجاب فرض وان المفروض محدش يلمسنى الا اللى يحل ليه طيب فين حجابك ؟ فين إيمانك ؟
لازم تكونى عفيفه وإنك أغلى من الجواهر متقوليش القماشة اللى على رأسك دى حجاب وانك لبسه حجاب وشعرك باين او ان حد مش يحل ليكى يلمسك وتقولى ده هزار وده زى أخويا هنضحك على بعض ولا بتضحكى على مين انت بتتعاملى مع ربك مش بتعاملينا احنا
إنتوا فين ؟
ورايحين فين ؟
إنتوا مستنين إيه ؟
مستنى حد عزيز عليك يموت أمامك وهو او هى بتعمل معصيه
مستنى إن ربنا يبتليك بمرض صعب علشان تتوب وتفوق من اللى انت فيه
مستنية ربنا يبتليكى بمرض جلدى او فى شعرك علشان تخبى جسمك وشعرك
مستنى تدخل القبر ويسألك الملكين من ربك ومن نبيك وما دينك ؟ هترد بإيه
هترد باللى كنت عايش عليه فى الدنيا
كنت بتعيط علشان حبيبتك ومعيطش من خشية الله
كنت بتبص للبنات والحرام ومبصتش فى كتاب الله
كنت بتسمع اللى يغضب ربنا ومسمعتش قرآن وحاجه تفيدك
هتقول ايه لنبيك على الحوض ؟ هتقوله بحبك بس مسمعتش كلامك ولا عملت بيه
ارجوكم فوقوا ... فوقوا ... فوقوا بقى كفايه
يا اعز ناس على قلبى كل من قرأ هذا البوست هقولك حاجه اسمعها كويس قوى انا بقولها لنفسى اولا
يا احبائى كده كده راحين لربنا فياريت نروح لربنا بمزاجنا مش غصب عننا بمعنى انى هتوب بمزاجى الوقتى وانا فى كامل صحتى وعافيتى ولو محبتش انت هتوب ايضا بس بطريقه اخرى وهى مثلا المرض المصيبه
اخى الحبيب واختى الحبيبه امامك الطريقان ولك حرية الإختيار واتمنى اننا مش نقرا وخلاص بجد ننفذ ونتعاهد على التغيير من نفسنا فى كل حاجه غلط بنعملها
وطبعا انا ذاكر فى البوست بعض الاشياء فكل واحد يجلس مع نفسه ويشوف هو بيعمل ايه ويشوف ربنا ورسولنا قال ايه ويرجع ويتوب بسره لربنا ويكون بمزاجنا مش غصب عننا
وفى النهاية انا آسف جدا جدا جدا لو كلامى لمس اخ او اخت ليه بمعنى آخر كلامى جه على الجرح
والله ما قصدت به الا النصيحه وحبا فيكم جميعا
بس اتمنى كلامى لو لمس حد ميقولش صدقنى انا عارف ولكن يقول صدقنى انا عارف وهغير من نفسى حالا مش هستنى
بسم الله الرحمن الرحيم
"وتعاونوا على البر والتقوى ولا تعاونوا على الإثم والعدوان"
"وسارعوا الى مغفرة من ربكم وجنة عرضها السماوات والارض اعدت للمتقين"
صدق الله العظيم
.jpg)
هناك 22 تعليقًا:
ازيك يا ميدو موضوعك دة هياثر فى اى حد بجد لانه اثر فيا وانت عارف هوة اثر فيا فى ايه بس موضوع ان انت تعود نفسك انك ما تستمرش فى حاجة بتغضب ربنا مش هتبقى بالسرعة اللى انت متوقعها لازم كل حاجة تيجى بالتدريج ويا رب كل واحد يلاقى الانسان اللى يقدر انه يساعده ويكون على الطريق الصح ولو ملقاش يحاول انه يساعد نفسه لانه اكيد هيلاقى خير جواه وان احنا نحاول اننا نعمل كل اللى يرضى ربنا لان ربنا نعمه علينا كتير واكبر نعمة ان احنا اتولدنا مسلمين الحمد لله بدعى بجد من قلبى ان ربنا يقبل توبتنا كلنا وتوبتى انا كمان واكيد طبعا انت هتساعدنى ربنا يباركلى فيك ويحميك ونكون كلنا فى الجنة ان شاء الله
للاسف الشديد لمست فيا حاجات كتيره قوى قوى قوى موجوده عندى بس بجد يا محمد مسعدتك وربنا اولا هبقى كويس وهحاول اغير من نفسى بالنسبه للبنات خلاص معتش حاجه خالص خالص خالص اصلا وربنا يكرمك يا محمد ويوفقك فى حياتك انا عاوز اتغير ونيه ان شاء الله ربنا يعينى عليها بجد ناوى اتغير 360 درجه ربنا يقدرنى يارب ودا مش غريب عليك يا حماده ان مواضيعك كلها بتبقى جميله جدا واتمنى انك تفيدنا بالجديد كمان وكمان ويارب نكون كلنا مع بعض فى الدنيا وفى الاخره مع بعض برده بس طبعا ان شاء الله فى الجنه اخوك محمود (دودو)
كلام جميل كلام معقول مااقدرش اقول حاجه عنه وجزاكم الله خيرا علي الموضوع بس احب اضيف حاجه ان مش حداقه ان حد يقول "صدقني انا عارف"علشان بمعرفته دي بتكون حجه عليه وليست معاه لان بمعرفته بذنب ومصر عليه بحجه انه مش وقته ولا لما ربنا يهديني ولا ولا....
يعني لو مش عارف هيقول ماكنتش اعرف امال عارف وبتعمل دي صعبه لما يقف ادام اللي خلقه.
وشكرا ياحماده علي الموضوع الجميل ده
زيكو تلوث
نوجا بجد انا فى غاية السعاده بتعليقك الجميل قوى ده وكمان شرف للمدونه انك اول تعليق على الموضوع
صدقينى كل يوم بعرف اد ايه انت انسانه رائعه وبجد بكتشف فيكى كل اللى يتمناه واحد فى اى انسانه
وبجد انت اتأثرتى لأن اى واحد جواه خير زى ما انتى قلتى لازم يتأثر وتصدقى انا كمان لما قرأة الموضوع بعد لما خلصته اتأثرت قوى
وفعلا انا عارف ان التغيير مش فى يوم وليله بس الاحلى اننا عرفنا اخطاء معينه بنعملها ونبدأ نحاول نصلحها ونكون أحسن ومع الوقت هنوصل لكل حاجه بنتمناها
وانا طبعا معاكى وهساعدك وانت كمان هتساعدينى اكيد لأن هدفنا نكون احسن ونرضى ربنا اكثر واكثر ونفوز كلنا بالجنه
ربنا يباركلى فيكى ويحميكى من كل عين
وطبعا لو اقعدت اكتب رد على تعليقك مش هيخلص خالص
جزاكى الله خيرا كثيرا يا نوجا
حبيب قلبى دودو
بجد تعليق رائع وان دل فيدل على قلب طيب كله حب لله وللرسول
ومش انت بس اللى محتاج تغيير كلنا محتاجين تغيير لأن مفيش حد مش عنده اخطاء وحاجات غلط بيعملها
وبجد نحسن النوايا مع ربنا ونطلب منه المساعده والعون اكيد هيوصلنا لكل حاجه عايزين نغيرها وربنا اعلم بكل قلب ومدى صدقنا فى التغيير للأحسن
ويا دودو عايز اقولك انت بجد شخصيه زى العسل وبصراحه شايف فيك كل المميزات اللى كتير من الشباب مفتقدها وان شاء الله هتكون احسن واحسن
جزاك الله خيرا يا دودو
زيكو تلوث
اسعدتنى بهذه الزياره وتعليق مقدرش اقول حاجه عنه
وفعلا لما نكون عارفين الغلط وبنعمله حاجه مش مقنعه بس للآسف يا زيكو معظمنا الا من رحم ربى عارفين حاجات كتير غلط وبنعملها
بس اهم حاجه عدم اليأس وانك تقول والله مش عارف ابطل ذنب معين لا اصدق النيه مع الله واكيد هيساعدك
احب اشكرك تانى على مرورك الكريم على مدونتى المتواضعه
جزاك الله خيرا يا زيكو
لا يختلف اثنان على أن النصيحة من خصائص هذا الدين ، وهي من دعائم استقامة الأمة واستقرارها ، وعلامة من علامات النضوج الفكري لمن يمارسها وكذلك من يستقبلها.
وبالنصيحة تحافظ الأمة على تصدرها لجميع الأمم والتفضيل عليهم جميعاً " كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ..." [آل عمران:110]
فما الأمر بالمعروف والنهي عن المنكر إلا صورة من صور النصيحة ، التي يستقيم بها حال المأمور بالمعروف والمنهي عن المنكر (المنصوح) ، فيتبدل سلوكه من الخطأ إلى الصواب؟
وفي المقابل فإن انعدام النصيحة واختفائها في الأمة علامة من علامات الهبوط الإيماني لأبنائها ، إذن ففرار الأمة من ترك النصيحة يوازي تماماً خوفها من نزول اللعنة أو غضب الله عليها ، وكذلك فإن التمسك بأدائها والحرص على ممارستها ، يُدلل على حياتها ورغبتها في التقدم والتصدر والاستمرار في الخيرية وجزاك الله كل خير ياخ محمد على الموضوع الرائع ده بجد موضوع جميل جدا جدا جدا وربنا يوفقك يارب
Realy
NO COMMENT
أخي وحبيبي وصديقي ..حماده
تحية طيبة وبعد
الموضوع اللي انت كاتبه ده فعلا أثر فيا،
فعلا بين لي أد ايه احنا مقصرين قوي في حق ربنا،
.............
فعلا علي رايك
هنقول لربنا ايه؟؟؟
كنت بعيط علشان حبيبتي سابتني ومعيطتش من خشية الله
كنت ببص للبنات والحرام ومبصتش فى كتاب الله
كنت بسمع اللى يغضب ربنا ومسمعتش قرآن وحاجه تفيدني
....................
جزاك الله خيراً وجعلك مثالا لكل شاب مسلم يريد أن يرضي الله ورسوله
....................
بس انا عاوز اقول لك حاجه
انا لما فكرت كويس
لقيت فيه حاجات في حياتنا بنعملها
كتير ومش عارف اصنفها هي صح ولا غلط
يعني فيه حاجات مهياش ابيض واسود
مهياش حرام وحلال
هي تسبح في المنطقه الرماديه من العالم المظلم
ونقنع نفسنا بأنه:
انما الأعمال بالنيات.........
واحنا فعلا نيتنا صح مش قصدنا حاجه
غلط ولا قصدنا نغضب ربنا...
بس هل دا عذر لينا ؟؟؟
هل احنا مؤهلين نكون عايشين في المنطقه
البيضاء بنسبة 100 في المائه؟؟؟
هل احنا نقدر نعمل كده ولا وقت ماالأمر هيبدأ يمسنا بشكل شخصي هنتراجع عما ننصح بيه؟؟؟
هل وهل وهل ..تساؤلات وتساؤلات
طرحها هذا البوست الرائع
اللي فعلا زي مابيقولوا: في العمق
...............
اعتذر اخي علي الاطاله ولكن هذا مايتطلبه المقام...
.............
خالص تحياتي
قبطان
السلام عليكم اولا جزاك الله كل الخير
واحب اقولك الموضوع جميل جدا فكل ما هو من القلب الى القلب يسرى بسرعه
واحب اقول الحلال بين والحرام بين
وعلى الانسان اجتناب مواطن الشبهات
وعندما يكون الانسان كما يريد الله يكون الله فوق ما يريد
ومين مننا مبتمناش ان ربنه يكون معاه دايما احنا فى اول الامر مخلوق خلقه الله ليعبده فاذا بعدنا عن ما خلقنه له فلا يكون للانسان اى قيمه بدون ربه
اتمنى من الله ان يكون راضى عنى فى الدنيا والاخره وان يحسن خاتمتى وانت يالف فلوبنا على طاعته ويبعدنا عن معصيته امين يارب العالمين
واحب اشكر عمر على تعليقه الجميل اوى اوى وجزاه الله خيرا
وفى الختام احب اقولك بحبك اوى اوى ياحلى هديه من ربنه ليه سلام
انا بالفعل علقت قبل كده على البوست
وقولت
Realy NO COMMENT
وكنت ارجو ان معناها اللى انا عاوزاه هو اللى يوصل بس اللى حصل العكس مش لازم الكلمه دى بس بتعبر يعنى عن السلبيه
لا
انا قصدى ان الكلام دا مش فيه فصال
يعنى لا يقبل المناقشه
دى حاجات مفيش اختلاف عليها
ولازم نبقى متفقين عليا
ونسلم ليها
دا دينا ودايما دينا بيعمل اللى فيه مصلحتنا ودا كل اللى اقدر اقوله
واخيرا احب اختم بقول المولى عز وجل:
(لا يغير الله ما بقوم حتى يغيرو ما بأنفسهم)
وارجو ان الآيه تكون مكتوبه صح
بس الاهم انكم اكيد فاهمين اللى انا عاوزه اقوله من الايه
وجزاك الله خيرا
بجد يا محمد الموضوع جميل اوى
وبجد شىء صعب ان الانسان يكون عارف ان اللى بيعمله غلط ومقر بيه كمان لانه بيكون اقام الحجة على نفسه .
ياريت بعد الموضوع ده كل انسان شايف انه بيعمل حاجة بتغضب ربنا سبحانه وتعالى وهو عارف انها غلط يرجع عنها ويتوب وطبعا الكلام ليه قبلكم ومش المهم ان احنا نغلط لان احنا مش ملائكة ولا معصومون لان زمن العصمة انتهى بوفاة رسولنا صلى الله عليةه وسلم المهم ان احنا منصرش عل غلطنا ونلحق نراجع انفسنا قبل ان ياتى يوما لا عمل فيه بل حساب فقط فهيا بنا نجدد توبتنا الى الله عزوجل قال تعالى(ياأيها اللذين امنوا توبوا الى الله توبة نصوحا عسى ربكم ان يكفر عنكم سياءتكم ويدخلكم جنات تجرى من تحتها الانهار يوم لا يخزى الله النبى واللذين امنوا معه نورهم يسعى بين ايديهم وبايمانهم يقولون ربنا اتمم لنا نورنا واغفر لنا انك على كل شىء قدير)وهو ده اجر التوبة النصوح
معذرة على الاطالة الغير مقصودة
ويارب يجعل هذا الموضوع ومن يستفيد منه فى ميزان حسناتك يوم القيامه
مع خالص تحياتى
اخى الحبيب عمر عبد الرحمن
بجد كلام جميل جدا ويكفى والله انه يكون بوست لوحده وبجد انت موهوب وعندك امكانيات الكتابه وممكن تدخل عالم التدوين وتمتعنا بكلامك الحلو ده
وفعلا النصيحه مهمه جدا للأمه الإسلاميه
وقال رسول الله (صلى)
"الدين النصيح "
صدق رسول الله
وجزاك الله خيرا
اخى محمد
بجد كلام واقعى جدا جدا
وفعلا احنا فى تصرفات كتيييير بنختار اللون الرومادى مش الابيض خالص ولا الاسود خالص
بس بصراحه انا مش هقدر اجاوبك على تساؤلاتك وهل ده فعلا عزر مقبول امام الله بصراحه مش اظن كده والله اعلم نحن نحاسب على كل صغيره وكبيره ومع ذلك نحن واثقين فى رحمة ربنا التى لا منتهى لها ونخشى عذابه
ممكن مش هنختار اللون الاسود علشان ده اكيد مينفعش معانا
ومش هنختار الابيض علشان هل احنا مش مؤهلين له او علشان هيتحكم فى تصرفاتنا ويخلى الناس تقول ايه الانسان الخنيق ده رغم انه بيعامل ربه صح قوى وبجد ياريت مش نتخلى عن الابيض ويكون من اهدافنا الوصل ليه وعدم الاستسلام
نيجى بقى للون المفضل الرومادى عارف بنختاره ليه والله اعلم علشان بس نقول والله انا كده زى الفل ومش بعمل حاجه غلط قوى وربنا اعلم بنيتى السؤال بقى ده صح ولا غلط والجواب ليكم
اسف للإطاله يا اخى محمد
وفعلا المثاليه شئ صعب اتمنى ان يوم يجى ونكون كويسين مش مثاليين
وجزاك الله خيرا
حبى خوخو
ايه الكلام الجامد ده
واحب اقول الحلال بين والحرام بين
وعلى الانسان اجتناب مواطن الشبهات
وعندما يكون الانسان كما يريد الله يكون الله فوق ما يريد
بجد كلامك حلو قوى قوى وان دل فيدل على مدى ثقافتك ووعيك الكبير يا خوخو وربنا يزيدك من فضله وعلمه
واشوفك داعيه كبيره قوى
وجزاكى الله خيرا يا خوخو
حبيبت قلبى توتو
Realy NO COMMENT
على تعليقك الرائع ده
ومن الاخر المختصر المفيد فعلا
قعلا لازم نغير من نفسنا الأول ونحاول ونحاول لغاية لما نقدر عليها لأنها محتاجه مجاهده وصبر
وربنا معاكى يا توتو فى الامتحانات
ويااااااااااااااااااااارب
تدخلى الكليه اللى بتحبيها
وجزاك الله خيرا يا توتو
حراء
اخى احمد
تعليقك بجد حلو جدا وفعلا المشكله اننا بنقيم الحجه على نفسنا بمعرفتنا للغلط والصح
وفعلا الحمد لله ان ربنا يتقبل التوبه بس كل اللى ربنا عايزه اننا نتوجه اليه وندعوه ونتوب ونصدق الله فى توبتنا فيغفر لنا لأنه الغفور الرحيم
وجزاك الله خيرا
السلام عليكم ورحمه الله وبركاته اولا ...بجد يا محمد موضوع جميل جداومعلشى اذا كنت اتاخرت شويه فى الرد عليه بس على فكره دا اول مره افتح مدونه واعلق على موضوع بس ان شاء الله هتشوف تعليقات جميله بعد كده ومش مشكله تاخيرى فى الرد بس المهم ان انا علقت عليه.
ثانيا:تعليقى على الموضوع (انا عارف)انه موضوع واقعى جدا وعجبنى جدا لانه واقعى بجد ودا اللى بيحصل فعلا ويارب كل الناس تعمل ببعض اللى فيه لانه كله كلام مهم جداوجزاك الله كل خير .
بجد نورت المدونه كلها يا درش
مش كنت تقول حتى كنا عملنا اى استعداد نفرش المدونه فل وياسمين وبجد زياره يارب تدوم علطول
وفعلا ياريت نعمل جزء من الحاجات دى وواحده واحده هنعمل كل حاجه
وطول ما احنا مع بعض
وبننصح بعض
وخايفين على بعض
صدقنى هنتحسن كتير اوى
وجزاك الله خيرا يادرش
فلب إنسان...
مسائك عنقود ياسمين...من أنجل
/
/
ماأعذب طرحك المييز..وماأروع إبدعاتك الدائمة..
هكذا انت دوماً!!..
صاحب المواضيع الساحرة..!!
فعندما نرى موضوعا يحوي اسم
(قلب إنسان)
نبتسم ونسعد لأننا سنمتع قلوبنا مع حروف وحكم تذكرنا بعادتنا وتقاليدنا الإسلامية
ينثرها لنا انسان عذب ..!!
ينثرها لنا عزيزنا قلب إنسان ..!!
فهنيئاً لنا وجود قلم كقلمك..!!
وبارك الله فيك أخي على طرحك المتميز والمفيد
تقبل مروري المتواضع
Angel Love...
بجد كله تمام ومواضيعك كلها ميه ميه يا حماده
بس انا عايز اقولك انك بجد بتيجى على الجرح
وانت عارفه
يلا بس انا مبقتش انا والله بجد وادعيلى
إرسال تعليق